Rch Registration Benefits Maharashtra : आरसीएच म्हणजे “रिप्रॉडक्टिव्ह चाइल्ड हेल्थ.” हा कार्यक्रम 1997 पासून सुरू करण्यात आला आहे, ज्याचा उद्देश माता व बालमृत्यू दर कमी करणे, सुरक्षित प्रसूती प्रक्रिया सुनिश्चित करणे, आणि आरोग्यसेवा लाभ घेण्यास प्रत्येक गर्भवतीला सक्षम करणे आहे.
शासनाने आरसीएच पोर्टल सुरू करून विविध योजनांच्या लाभांसाठी मातांची नोंदणी अनिवार्य केली आहे. यामुळे गर्भवती महिलांना सरकारी योजनांचा लाभ मिळणे खूप सोपे झाले आहे.
आरसीएच नोंदणीचे फायदे:
- महात्मा फुले जनआरोग्य योजना:
आरसीएच पोर्टलवर नोंदणीनंतर, मातांना आणि बालकांना महात्मा फुले जनआरोग्य योजनेचा लाभ मिळतो. - प्रधानमंत्री मातृवंदना योजना:
या योजनेअंतर्गत, आरसीएच पोर्टलवर नोंदणी झाल्यानंतर, पात्र महिलांच्या बँक खात्यात निधी जमा केला जातो. - मुख्यमंत्री वैद्यकीय साहाय्यता निधी:
आरसीएच नोंदणीमुळे महिलांना आणि बालकांना मुख्यमंत्री वैद्यकीय साहाय्यता निधी योजनेअंतर्गत मदत मिळते.
आरसीएच पोर्टल आणि ‘यू-विन’ ॲप:
आरसीएस पोर्टलसह ‘यू-विन’ ॲपच्या माध्यमातून लसीकरणाची वेळेवर माहिती लाभार्थी व त्यांच्या पालकांना मिळते. यामुळे लसीकरण पूर्ण होण्यास मदत होते.
नोंदणी प्रक्रिया:
- गर्भवती महिलांनी त्यांच्या जवळच्या आरोग्य केंद्रात जाऊन आरसीएच पोर्टलवर आपली नोंदणी करावी.
- नोंदणीसाठी आधार कार्ड आणि इतर आवश्यक कागदपत्रे सोबत नेणे गरजेचे आहे.
शासनाचे आवाहन:
गर्भवती महिलांनी वेळेवर आरसीएच नोंदणी करावी, जेणेकरून त्यांना आणि त्यांच्या बाळांना शासकीय योजनांचा संपूर्ण लाभ मिळू शकेल.
महत्त्वाचा संदेश:
आरसीएच नोंदणीमुळे केवळ शासकीय योजनांचा लाभच मिळत नाही, तर ती मातांच्या आणि बालकांच्या आरोग्यासाठी एक महत्त्वाची पायरी आहे. सरकारी योजनेचा लाभ घ्यायचा नसला तरीही कोणत्याही गर्भवती महिला किंवा तिच्या कुटुंबाने या नोंदणी प्रक्रियेस टाळाटाळ करू नये, कारण ही नोंदणी महिला व बाळाच्या आरोग्यासाठी तसेच आर्थिक मदतीसाठी महत्त्वाची आहे.
