PM Mudra Yojana Loan Process: देशातील लहान उद्योजकांना आणि नवीन व्यवसाय सुरू करू इच्छिणाऱ्या तरुणांना आर्थिक सहाय्य देण्यासाठी केंद्र सरकारने ‘प्रधानमंत्री मुद्रा योजना’ (PM Mudra Yojana) सुरू केली आहे. या योजनेतून २० लाख रुपयांपर्यंतचे कर्ज मिळू शकते. व्यवसाय वाढवण्यासाठी किंवा नवीन व्यवसाय सुरू करण्यासाठी पैसे नाहीत? तर ही योजना तुमच्यासाठी उपयुक्त ठरू शकते.
प्रधानमंत्री मुद्रा योजना अंतर्गत मिळणारे कर्ज
प्रधानमंत्री मुद्रा योजनेच्या माध्यमातून भारत सरकार लघु व सूक्ष्म उद्योगांना आर्थिक सहाय्य पुरवते. या योजनेअंतर्गत ३ प्रकारच्या कर्जांची सुविधा उपलब्ध आहे:
- शिशु श्रेणी: ₹५०,००० पर्यंतचे कर्ज.
- किशोर श्रेणी: ₹५०,००० ते ₹५ लाख पर्यंतचे कर्ज.
- तरुण श्रेणी: ₹५ लाख ते ₹२० लाख पर्यंतचे कर्ज.
विशेषतः, तरुण श्रेणीतील कर्ज फक्त त्यांनाच दिले जाते ज्यांनी आधीचे कर्ज चुकते केले आहे.
प्रधानमंत्री मुद्रा योजनेतून कर्ज मिळवण्यासाठी अर्ज कसा करायचा?
प्रधानमंत्री मुद्रा योजनेतून कर्ज मिळवण्यासाठी दोन प्रकारे अर्ज करता येतो:
- ऑनलाईन अर्ज:
- अधिकृत पोर्टल www.udyamimitra.in वर जाऊन अर्ज करा.
- ऑफलाईन अर्ज:
- जवळच्या बँक शाखेत किंवा नॉन बँकिंग फायनान्शियल कंपनी (NBFC) किंवा मायक्रो फायनान्स संस्थेच्या (MFI) शाखेस भेट द्या.
योजनेचे फायदे
- योजनेतुन कर्ज मिळवण्यासाठी कोणतेही तारण (Collateral) देण्याची गरज नाही.
- नवीन उद्योजकांना व्यवसाय उभा करण्याची मोठी संधी.
- लहान उद्योगांना आर्थिक पाठबळ मिळते.
कोण अर्ज करू शकतो?
- नवीन व्यवसाय सुरू करू इच्छिणारे तरुण.
- छोटे उद्योजक आणि गृहउद्योग करणारे.
- नॉन-अॅग्रीकल्चर क्षेत्रात काम करणारे सूक्ष्म व लघु उद्योग.
सरकारकडून दिल्या जाणाऱ्या आर्थिक मदतीमुळे लहान उद्योजकांना व्यवसाय वाढवण्याची संधी मिळत आहे. तुम्ही देखील तुमचा व्यवसाय वाढवण्यासाठी या योजनेचा लाभ घ्या आणि तुमचे स्वप्न साकार करा.
टीप: अर्ज करताना आवश्यक कागदपत्रांची पूर्तता आणि पात्रतेचे निकष तपासा. अधिक माहितीसाठी अधिकृत वेबसाइटला भेट द्या.
