PM Awas Yojana 2025 New Application Process: पंतप्रधान आवास योजना (ग्रामीण) अंतर्गत नवीन अर्ज प्रक्रिया सुरू झाली आहे. यावेळी अर्ज प्रक्रियेत काही महत्त्वाचे बदल करण्यात आले आहेत. योजनेचा लाभ घेण्यासाठी पात्र लाभार्थ्यांसाठी काही नियम सुलभ केले गेले असून, यामध्ये काही नवीन घाटकांचा समावेश करण्यात आला आहे. (PM Awas Yojana 2025: Apply now for rural housing scheme with updated rules. Face authentication, increased income limit, and more benefits included. Check eligibility and process here).
अर्ज प्रक्रिया आणि नवीन नियम
पंतप्रधान आवास योजना (ग्रामीण) योजनेत यावेळी अर्ज प्रक्रियेत फेस ऑथेंटिकेशन (Face Authentication) अनिवार्य करण्यात आले आहे. पात्र लाभार्थ्यांचा चेहरा सत्यापित केल्याशिवाय त्यांचे नाव नोंदवले जाणार नाही. यामुळे सर्वेक्षण प्रक्रिया अधिक पारदर्शक होईल.
योजनेत समाविष्ट नवीन नियम:
- घरात दुचाकी, लँडलाइन फोन किंवा फ्रिज असतानाही योजनेचा लाभ घेता येणार.
- मासिक उत्पन्न मर्यादा ₹15,000 पर्यंत वाढविण्यात आली आहे.
- अर्ज फक्त महिलेच्या नावावरच करता येईल.
- अर्ज करताना आधार क्रमांक, बँक खाते तपशील, मनरेगा जॉब कार्ड क्रमांक यासारखी माहिती देणे बंधनकारक आहे.
सर्वेक्षण आणि निवड प्रक्रिया
ग्रामपंचायतींमध्ये यासाठी खास कर्मचारी नियुक्त करण्यात आले आहेत. हे कर्मचारी घराघरांत जाऊन पात्र लाभार्थ्यांचे सर्वेक्षण व माहिती फीडिंग करतील.
महत्त्वाचे निर्देश:
- लाभार्थ्यांकडून कोणतेही शुल्क आकारले जाणार नाही.
- जर कोणत्याही व्यक्तीने अवैध लाभाची मागणी केली, तर याबाबत उच्च अधिकाऱ्यांना तत्काळ कळवावे.
- पात्र लाभार्थ्यांनी सर्व माहिती अचूक आणि वेळेत उपलब्ध करून द्यावी.
योजना अर्जासाठी आवश्यक कागदपत्रे
- आधार कार्ड
- बँक खाते तपशील
- मनरेगा जॉब कार्ड
- चेहरा ओळख (Face Authentication)
पंतप्रधान आवास योजना (ग्रामीण) पात्र कुटुंबांना हक्काचे घर मिळवून देण्यासाठी महत्त्वाची भूमिका बजावत आहे. नवीन नियम व प्रक्रियेमुळे अर्ज करणे सोपे व पारदर्शक होणार आहेत. योजनेचा लाभ घेण्यासाठी पात्र लाभार्थ्यांनी वेळेत अर्ज करावा आणि संपूर्ण खरी माहिती द्यावी.
