PM Kisan Yojana 2025 Next Installment And Increased Amount: नववर्ष 2025 शेतकऱ्यांसाठी आनंददायी ठरण्याची शक्यता आहे. पंतप्रधान किसान सन्मान निधी योजनेच्या पुढील हप्त्याची प्रतीक्षा असलेल्या शेतकऱ्यांसाठी सरकारकडून दोन मोठ्या घोषणा केल्या जाण्याची शक्यता आहे. पीएम किसान योजनेच्या लाभार्थींना फेब्रुवारी 2025 च्या केंद्रीय अर्थसंकल्पात सन्मान निधीच्या रकमेतील वाढ मिळण्याची शक्यता आहे.
पीएम किसान योजना काय आहे?
पंतप्रधान किसान सन्मान निधी योजना ही केंद्र सरकारच्या महत्त्वाकांक्षी योजनांपैकी एक आहे. या योजनेअंतर्गत पात्र शेतकऱ्यांना दरवर्षी ₹6,000 चा लाभ दिला जातो, जो तीन समान हप्त्यांमध्ये थेट त्यांच्या खात्यात वर्ग होतो. आतापर्यंत 18 हप्ते वाटप झाले असून, नवीन वर्षात 19वा हप्ता जाहीर होणार आहे.
पीएम किसान योजनेचा 19वा हप्ता कधी येईल?
पीएम किसान योजनेचे हप्ते तीन टप्प्यात वितरीत होतात:
- पहिला हप्ता: एप्रिल ते जुलै
- दुसरा हप्ता: ऑगस्ट ते नोव्हेंबर
- तिसरा हप्ता: डिसेंबर ते मार्च
(PM Kisan Yojana 19th Installment Date) यानुसार, पीएम किसान योजनेचा 19वा हप्ता 2025 च्या जानेवारी अखेरीस किंवा फेब्रुवारीच्या पहिल्या आठवड्यात जारी केला जाण्याची अपेक्षा आहे.
सन्मान निधीची रक्कम वाढण्याची शक्यता
वर्तमान सन्मान निधीची रक्कम ₹6,000 आहे. मात्र, 2025-26 च्या अर्थसंकल्पात ही रक्कम ₹10,000 किंवा ₹12,000 पर्यंत वाढवली जाण्याची शक्यता आहे. कृषी संघटनांनी यासाठी मागणी केली असून, दीर्घकालीन कर्जे स्वस्त करणे, कर कपात, आणि शेतकऱ्यांच्या उत्पन्नात वाढीच्या सूचना केल्या आहेत.
कशी कराल ई-केवायसी?
पीएम किसान योजनेचा लाभ मिळण्यासाठी ई-केवायसी प्रक्रिया अनिवार्य असून, ती पूर्ण केल्याशिवाय पुढचा हप्ता जमा होणार नाही.
- पीएम किसान योजना अधिकृत वेबसाइटला भेट द्या.
- “किसान कॉर्नर” विभागातील “ई-केवायसी” पर्याय निवडा.
- आधार क्रमांक व नोंदणीकृत मोबाईल नंबर टाका.
- ओटीपीद्वारे पडताळणी करा आणि प्रक्रिया पूर्ण करा.
पीएम किसान योजना लाभार्थी यादीत आपले नाव कसे तपासाल?
- पीएम किसानच्या अधिकृत वेबसाइटवर जा.
- “Farmer Corner” विभागात जाऊन “Beneficiary List” वर क्लिक करा.
- राज्य, जिल्हा, तालुका व गाव निवडा आणि “Get Report” वर क्लिक करा.
- यादीत आपले नाव असल्यास हप्ता आपल्या खात्यात वर्ग होईल.
यांना मिळत नाही पीएम किसान योजनेचा लाभ
पीएम किसान योजनेच्या नियमांनुसार खालील शेतकऱ्यांना योजनेचा लाभ मिळत नाही:
- संस्थात्मक भूमिधारक
- स्वतःची शेती असणारे सरकारी अधिकारी, कर्मचारी (क्लास IV सोडून).
- आयकर भरणारे शेतकरी.
- स्वतःची शेती असणारे व्यावसायिक (डॉक्टर, वकील, अभियंते).
शेतकऱ्यांसाठी महत्वाची माहिती
शेतकऱ्यांनी अधिकृत वेबसाइटवर सतत लक्ष ठेवावे आणि योग्य वेळी ई-केवायसी प्रक्रिया पूर्ण करावी. यामुळे पुढील हप्ता मिळण्यास कोणतीही अडचण येणार नाही.
“नववर्ष 2025 मध्ये पीएम किसान योजना शेतकऱ्यांसाठी नवीन संधी आणि दिलासा घेऊन येणार आहे. ही योजना शेतकऱ्यांच्या आर्थिक प्रगतीत महत्त्वाची भूमिका बजावत राहील”.
