Gharkul Yojana Maharashtra Free Light: मुख्यमंत्री देवेंद्र फडणवीस (Devendra Fadnavis) यांनी नागपूरमध्ये झालेल्या पत्रकार परिषदेत राज्यातील नागरिकांसाठी एक महत्त्वपूर्ण घोषणा केली आहे. सरकारी घरकुल योजनेतील लाभार्थ्यांना सौर ऊर्जेच्या मदतीने मोफत वीज पुरवठा करण्याचा मानस सरकारने व्यक्त केला आहे. या उपक्रमामुळे नागरिकांचे वीज बिल शून्यावर येईल आणि हरित ऊर्जेचा वापर वाढेल, अशी माहिती देवेंद्र फडणवीस यांनी दिली.
मोफत वीज योजनेची वैशिष्ट्ये
- सरकारी घरकुल योजनांमध्ये राहणाऱ्या लाभार्थ्यांना सौर ऊर्जेच्या माध्यमातून मोफत वीज उपलब्ध करून देणे.
- या मोफत वीज योजनेसाठी पंतप्रधान आवास योजना, शबरी आवास योजना, रमाई आवास योजना अशा विविध योजनांमचे लाभार्थी पात्र ठरतील.
- सौर ऊर्जेच्या प्रकल्पासाठी राज्य सरकारकडून ठोस पावले उचलली जात असून लवकरच या नवीन योजनेची अंमलबजावणी सुरू होईल.
वीजेच्या दरात घट: नवीन ऊर्जा धोरणाचा भाग
मुख्यमंत्री देवेंद्र फडणवीस यांनी सांगितले की, राज्य सरकारने आगामी २५ वर्षांसाठी ऊर्जा क्षेत्रात क्रांतिकारी बदल घडवण्यासाठी कृती आराखडा तयार केला आहे.
- सौर कृषी वाहिनीसाठी विशेष गतीने काम सुरू आहे, ज्यामुळे शेतकरी आणि इतर ग्राहकांना कमी दरात वीज उपलब्ध होईल.
- पुढील दोन वर्षांत उद्योग व इतर संवर्गातील वीज दर लक्षणीयरीत्या कमी होण्याची शक्यता आहे.
पंतप्रधान आवास योजना: घरांचे स्वप्न पूर्ण करणारी योजना
- २०१५ पासून सुरू असलेल्या या योजनेत महाराष्ट्राला २० लाख नवीन घरांची मंजुरी मिळाली आहे, जी देशातील सर्वोच्च आहे.
- योजना नागरी व ग्रामीण या दोन भागांत विभागलेली असून अर्जदारांना ऑनलाइन आणि ऑफलाइन पद्धतीने अर्ज करता येतो.
पिएम आवास योजना पात्रता व अटी
- अर्जदार भारतीय नागरिक असावा.
- अर्जदार सरकारी नोकरीत नसावा व करदाता नसावा.
- अर्जदाराचे स्वतःच्या नावावर घर नसावे आणि यापूर्वी योजनेचा लाभ घेतलेला नसावा.
- अर्जदाराचे वय किमान १८ वर्षे असावे.
सौर ऊर्जेचा लाभ आणि पर्यावरणपूरक दृष्टिकोन
सरकारचा हा निर्णय नागरिकांच्या आर्थिक सवलतींसाठी तर फायदेशीर आहेच, पण पर्यावरणपूरक ऊर्जेचा वापर वाढवून हरित महाराष्ट्राच्या उद्दिष्टाकडे वाटचाल करणारा आहे.
देवेंद्र फडणवीस (Devendra Fadnavis) यांनी सौर ऊर्जेच्या माध्यमातून वीज सवलत देण्याच्या या योजनेमुळे महाराष्ट्रातील गरीब व मध्यमवर्गीय कुटुंबांसाठी नवीन आशा निर्माण झाली आहे. या योजनेचा लाभ घेण्यासाठी पात्रता आणि अटींची पूर्तता करणे गरजेचे आहे.
